ՀՀ-ում ԻԻՀ ազատ և հատուկ տնտեսական գոտու ներդրումային փաթեթների և արտահանման հնարավորությունների ցուցահանդես

25 օգոստոսի, 2023

Օգոստոսի 25-ին ՀՀ Էկոնոմիկայի նախարար Վահան Քերոբյանը «Երևան Էքսպո» ցուցահանդեսային կենտրոնում մասնակցել է Իրանի Իսլամական Հանրապետության ազատ և հատուկ տնտեսական գոտիների ներդրումային փաթեթների և արտահանման հնարավորությունների ցուցահանդեսին:

Նախարարի խոսքով ցուցահանդեսի հիմնական նպատակն էր՝ երկու երկրների միջև զարգացնել առևտրատնտեսական հարաբերությունները, բացահայտել Իրանի ազատ առևտրատնտեսական գոտու հնարավորությունները հայ ներդրողների և գործարարների համար, իրականացնել փորձի փոխանակում, ցուցադրել այն հնարավորությունները, որոնցով Իրանը կարող է տնտեսապես հասանելի դառնալ թե՛ հայաստանյան, թե՛ համաշխարհային տարբեր շուկաներում։

Ցուցահանդեսին մասնակցում էին Իրանի 7 ազատ տնտեսական գոտիների ներկայացուցիչներ, ինչպես նաև 60 իրանական և 50 հայկական ընկերություններ։

Նախարարի խոսքով հայ ներդրողներն ու գործարարները ևս մասնակցում են նմանատիպ էքսպո-ցուցահանդեսներին Իրանի տարածքում՝ ներկայանալով գյուղատնտեսական, արդյունաբերական և այլ ոլորտներում, որոնց նպատակն է նոր հնարավորությունների և համագործակցությունների բացահայտումը։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր